Category Archives: News

Ofso vun der aktueller Saison vun der Dëschtennisfederatioun

Posted on by

Gudde Moien,

Opgrond vun der aktueller Coronasituatioun, an der domadder verbonnenen weideren Verlängerung vun de Sécherheetsmoossnamen, huet d’Dëschtennisfederatioun de Moien decidéiert d’Saison fir all d’Equippen vun der Promotioun bis déi 6. Divisioun, ofzesoen.

Eenzeg d’BDO (Nationale 1) an d’Nationale 2 dierfen hire Programm weiderspillen.

D’Saison gëtt net gewäert et ginn keng Op- an Ofsteiger an all d’Equippen verbleiwen an hiren aktuellen Divisiounen wou se am September erëm ufänke wäerten.

MbG

Ronny

Trainingsufank

Posted on by
Gudde Moien,
lëscht Woch, en Dënschdeg den 19 Januar 2021, ass de Jugend- a Seniortraining vum DTN erëm offiziell ugaang.
Dat ganzt natierlech mat allen Sécherheetsmoossnamen déi virdrun schonn do waren, an de néien Ännerungen déi elo nach beikoumen.
De Comité huet sech gefreet jiddereen erem ze gesinn, a besonnesch dass d’Jugend rem traineieren duerft. 🙂

Training

Posted on by

Gudden Owend,

Op Grond vun de neie Restriktiounen vun eiser Regierung, sinn all eis Trainingen ofgesot dëst elo emol bis den 15 Dezember 2020.
De Comite vum DTN.
–
Bonsoir,
Suite aux nouvelles restrictions annoncées par le gouvernement luxembourgeois, les entraînements sont annulés jusqu’au 15 décembre 2020.
Le comité du DTN.
–
Good Evening,
Following the latest measures taken by the luxembourgish government, the training sessions are cancelled until the 15 th December 2020.
The club board of the DTN.

Nei ‚Corona‘-Regelen vun der Regierung

Posted on by
Gudden Owend léif Sportsfrënn,
An deeër interessanter an opschlossräicher Presse-Konferenz, déi de Sportsminister, den H. Dan KERSCH, haut de Mëtteg ofgehalen huet, huet dee Sportminister kloer zum Ausdrock bruecht, datt heen all Féderatiounen a Veräiner encouragéiert, fir och lo an deeër schwéierer Zäit déi nees virun äis läit, den Training NET ze stoppen, mee fir de Sportler, a besonnesch de Kanner an de Jugendlechen, och weiderhin Trainingsméiglechkeeten unzebieden, selbstverständlech am Respekt vun deenen neie gesetzleche Bestëmmungen.
An no deeër presse-Konferenz sinn dann och lo d’Conditiounen, wéi mir an eisen DT-Veräiner während den nächste Woche weiderhin Training organiséieren an ofhale kënnen, kloer an däitlech.
(1) Den Training muss a Gruppe vu maximal véier (4) Spiller organiséiert ginn, wou da pro Grupp och nach een (1) Trainer kann derbäi kommen. Déi 4 Spiller vun enger Grupp duerfen dann um Training och ënnerenee wiesselen, d.h. jidderee vun deene 4 Spiller ka géint jidderee spillen.
(2) An enger Sportshal duerfe maximal 3 Gruppen mat 4 Spiller pro Grupp zur selwechter Zäit mateneen trainéieren. Wann een op déi Méiglechkeet zréckgräift, dann duerfen d’Spiller vun deenen 3 Gruppen awer net ënnerenee vermëscht ginn. Et kann awer een (1) Trainer, déi 3 Gruppe matenee betreien.
Wann ee fir den Training keng Sportshal zur Verfügung huet, mee nëmmen ee méi klenge Sall, da muss een d’Zuel vun de Gruppen, déi mateneen trainéieren, evidenterweis entspriechend upassen.
Hei e puer Beispiller, wann een dervun ausgeet, datt eng Spillbox op d’mannst 9m x 4m huet, an optimal soll 10m x 5m hunn:
a) an enger Hal vu 40m x 25 m kann een ouni Problem 6 Spillboxen vun 10m x 5m ariichten, an deemno mat 3 Gruppe gläichzäiteg trainéieren
b) an engem Sall vun 30m x 12m kann een nach just 6 Spillboxen zu 9m x 4 m ariichten.
c) an engem Sall vun 20m x 8 m kann een nëmme 4 Spillboxen, also och nëmmen 2 Gruppen zu 4 mateneen trainéiere loossen
(3) Fir d’Ofstandsregel vun 2m kënnen anzehalen, soll all Gang zwëscht 2 Reie Spillboxen, wann et nëmme méiglech ass, op d’mannst 2.0m, an optimal 2,5m breet sinn
(4) All Trainer am Spillsall muss permanent eng Nuese-Mond-Schutzmask un hunn.
(5) Idealerweis sollen och vun engem Training zum aneren ëmmer déi selwecht 4 Spiller an enger Grupp beienee bleiwen, de Minister huet awer gesot, datt hee wéisst, datt dat net sou liicht machbar ass, an heen huet och präziséiert, datt et net verbueden ass, zwëscht deenen eenzelen Trainingen d’Zesummesetztung vun de Gruppen z’änneren. Während engem bestëmmten Training muss déi Zesummesetzung awer fix bleiwen an duerf net geännert ginn.
(6) An all geschlossene Raum ( also och an den Toiletten an an de Vestiairen ) ass de Mask obligatoresch, och fir d’Spiller.
D’Mask duerf eenzeg an eleng ausgedoe ginn:
a) während deeër Zäit wou e Spiller an der Spillbox sportlech aktiv ass
b) an der Dusch
Dës nei Conditioune gëlle vun haut um Hallefnuecht un, an dat da bis den 31. Dezember 2020.
Mir hunn och eist FLTT-Anti-Corona-Schutzkonzept iwwerschafft an un déi nei Regelen ugepasst. Déi nei Versioun vun deem Konzept 😊 Versioun 6.0) wäert mar am Nomëtteg op d’FLTT-Homepage gesat ginn, da kënnt dir d’Dokument dann do consultéieren a vun do downloaden.
Mat frëndleche Gréiss
D’FLTT.